峇里島新年.Nyepi Day (安寧日)

如果你打算3-4月期間去峇里島旅行,就要留意喇!

 

最近本公司有隊crew去峇里影Pre-Wedding兼睇景,因為一個「安寧日」,搞到一頭煙!話說隊Crew 3月20號出發,3月24號返。本來行程安排得好完美,第一日睇景,第二日&第三日影相,時間好充裕,仲可以在第三日返去某d靚景再影。但係因為一個節日,全部行程改晒。

 

原來峇里島有個古怪習俗,每年有一日稱為Nyepi Day (安寧日),依個日子年年都唔同,2012年的Nyepi Day (安寧日) 為03/23 (五),啱啱撞正我隊crew個期。

 

Nyepi Day (安寧日) 源自於印度Saka,在每年3-4月間,係峇里島居民一年當中最重要的日子,重要程度等同中國的農曆新年。

 

島上居民禁止一切活動!!!

人地新年好喜慶,但佢地新年剛相反!當天從05:00至隔日05:00的24小時中,島上居民必須停止一切對外活動,只能待在家中齋戒冥想、懺悔,反省自己過去一年中的行為。在家中不能喧嘩、看電視、聽收音機,各家門戶緊閉,燈光必須調至最暗或全部關閉。

 

街上人車淨空,所有商店、餐廳、碼頭、車站,甚至連機場也是關閉的 (所以當日班機無法起降),恰如死城。只有每個村的pecalangs (當地傳統保安人員) 可以在街上巡邏,發現邊家邊戶唔遵守規矩可以去提出警告,再不聽勸可以送進警察局。

 

遊客也要遵守

鳴謝:圖片轉載自網上來源 (點擊查看運結)

鳴謝:圖片轉載自網上來源 (點擊查看運結)

咪以為只係影響島上居民,心諗:「車,我都唔係教徒,應該唔受影響啦!」錯了!在島上的觀光遊客當日也是一樣要遵守規訂,一樣唔俾出街,嚴厲程度就連由一間酒店行過對面馬路去另一間酒店都唔得,邊個違規一樣送進警察局。客人只允許在酒店的範圍內自由活動,邊度都唔去得,影相都唔得!酒店大廳也只會開小燈,而VILLA也不能開音樂,海邊沙灘也是禁止進入的。「咁同坐監有咩分別?」就係坐監咁……分別在,你在3星酒店內坐監,定係5星酒店內坐監。如果你唔好彩在旅程中遇上依一日,只能乖乖地充份享受飯店的設施與一天的寧靜。其實我個人真係好欣賞佢地對宗教咁虔誠,不過影響到遊客就唔係咁好啦……

 

安寧日前夕佢地仲會有特別慶祝活動,每個居民抬著自製的紙魔鬼公仔ogoh ogoh,好似花車巡遊咁走上街喧嘩吵鬧,熱鬧非常!

 

因為一個安寧日,影響晒成個行程,真係名副其實嘅「阻住個地球轉」!

他們的安寧日,我們的不安寧。

不過,各處鄉村各處例,各地有唔同既文化,都係好特別既一件事!

 

唔知你有冇試過外遊時遇上當地特別節日呢?

facebook comments:

發表回應

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>